ഉങ്ങുമരവും ഉങ്ങുംതറയും
******************************
പ്രധാന പാതയോരത്തെ സര്ക്കാരു കിണറും അധികം അകലെയല്ലാതെ വളര്ന്നു നിന്നിരുന്ന വലിയ പൂവരസ്സു മരവും എന്റെ ഗ്രാമത്തിന്റെ പഴയ അടയാള ചിഹ്നങ്ങളായിരുന്നു.....ഇവ രണ്ടും മണ്ണോടു ചേര്ന്ന് ചരിത്രമായിട്ട് പതിറ്റാണ്ടുകളായി....
ഇരുപത്തിയഞ്ചു വര്ഷങ്ങള്ക്കപ്പുറം ഗ്രാമത്തില് പ്രവര്ത്തിച്ചിരുന്ന ദോസ്ത് ലൈറ്റ്സ് & സൗണ്ട്സിന്റെ ഉടമസ്ഥനായിരുന്ന ഷൌക്കത്തെന്ന ആലിക്കാക്കു പഴയ പൂവരസ്സിനു പകരം തന്റെ കടയുടെ മുറ്റത്ത് ഒരു ഉങ്ങുമരത്തൈ നട്ടു പിടിപ്പിച്ചു....
ആലിക്കാക്കു നനച്ചു വളര്ത്തിയ ആ കുഞ്ഞു തൈ വലിയൊരു തണല്മരമായി വളര്ന്നുപന്തലിച്ചു ..
പക്ഷെ, ആ ഉങ്ങുമരത്തിന്റെ ഗുണങ്ങള് കൂടുതല് ആസ്വദിക്കാന് ആലിക്കാക്കു കാത്തുനിന്നില്ല....അദ്ദേഹം ഓര്മ്മയായിട്ട് വര്ഷങ്ങള് കഴിഞ്ഞു....
സര്ക്കാരു കിണറും, പൂവരസ്സു മരവും മണ്ണടിഞ്ഞ് ഒരു വലിയ ഇടവേളക്കു ശേഷം ആലിക്കാക്കുവിന്റെ ഈ ഉങ്ങുമരവും, മരത്തിനു ചുറ്റും ചതുരാകൃതിയില് കോണ്ക്രീറ്റുകൊണ്ടു കെട്ടി മനോഹരമാക്കിയ ഉങ്ങുംതറയും ഗ്രാമത്തിന്റെ പുതിയ അടയാള ചിഹ്നമായി മാറി....
വസന്തകാലത്ത് സുഗന്ധപ്പൂക്കള് പൊഴിച്ച്....
ഉഷ്ണത്തിനു തണലിട്ട്....കൊടുംചൂടിലും കുളിരേകി......
ചുമടേറ്റി വരുന്നവര്ക്ക് അത്താണിയായി...
വഴിതെറ്റിയെത്തുന്നവര്ക്ക് വഴികാട്ടിയായി....
ഗ്രാമത്തിലെ മുതിര്ന്നവര്ക്ക് ഇരിപ്പിടമായി....
ഒരുപാടുപേര്ക്ക് കിടപ്പാടമായി......
അങ്ങനെയങ്ങനെ... .കാപ്പുകാര്ക്ക് ഒഴിച്ചുകൂടാന് പറ്റാതെ ജീവിതത്തിന്റെ ഭാഗമായി ഈ ഉങ്ങുമരവും ഉങ്ങുംതറയും....
കളിയും, സിനിമയും, രാഷ്ട്രീയവുമൊക്കെ ചര്ച്ചകള്ക്ക് വിധേയമാക്കുമ്പോള് നിശ്ശബ്ദത വഴിമാറും...പിന്നെ ഗോര ശബ്ദങ്ങളില് വാചകക്കസര്ത്തുകളുടെയും, ആക്രോഷങ്ങളുടെയും, വെല്ലുവിളികളുടെയും പോരാട്ട വേദിയായി മാറും ഈ ഉങ്ങുംതറ....
പഞ്ച ഗുസ്തിയും, വടം വലിയും, തീറ്റമത്സരവുമടങ്ങുന്ന കായിക മത്സരങ്ങളും....പാട്ടും, മിമിക്രിയും, മോണോ ആക്ടും ഉള്പ്പെടെയുള്ള കലാവിരുന്നുകളുമൊരുക്കി ഉങ്ങുംതറയുടെ പിറന്നാള് വാര്ഷികം ഒരു ഉത്സവം തന്നെയായി ആഘോഷിച്ചിരുന്നു മുമ്പ് .....
വീട്ടിലെ കിടക്കപ്പായയേക്കാള് എന്റെ കൗമാരം ഏറെ പുണര്ന്നത് ഈ ഉങ്ങുംതറയെ ആയിരുന്നു...
നിലാവുള്ള രാത്രികളില് ഉങ്ങുമരച്ചില്ലകള്ക്കിടയിലൂടെ ആകാശത്തിന്റെ അനന്തതയിലേക്ക് കണ്ണുകളയച്ച്... കാരണവന്മാര് പറഞ്ഞുതരുന്ന കഥകളിലേക്ക് കാതുകള് കൂര്പ്പിച്ച്...കൂട്ടുകാര് പാടുന്ന രാഗങ്ങള്ക്ക് താളംപിടിച്ച് .....ഉറക്കം പോലും കടന്നുവരാന് മടിക്കുന്ന സുന്ദരമായ രാവുകളുടെ അനുഭൂതികളില് അലിഞ്ഞലിഞ്ഞ്... ഉങ്ങുമരത്തിന്റെ മടിത്തട്ടില് തലവെച്ച് നീണ്ടുനിവര്ന്നങ്ങനെ കിടന്നത് എണ്ണമറ്റ രാത്രികളാണ്.....
,
******************************
പ്രധാന പാതയോരത്തെ സര്ക്കാരു കിണറും അധികം അകലെയല്ലാതെ വളര്ന്നു നിന്നിരുന്ന വലിയ പൂവരസ്സു മരവും എന്റെ ഗ്രാമത്തിന്റെ പഴയ അടയാള ചിഹ്നങ്ങളായിരുന്നു.....ഇവ രണ്ടും മണ്ണോടു ചേര്ന്ന് ചരിത്രമായിട്ട് പതിറ്റാണ്ടുകളായി....
ഇരുപത്തിയഞ്ചു വര്ഷങ്ങള്ക്കപ്പുറം ഗ്രാമത്തില് പ്രവര്ത്തിച്ചിരുന്ന ദോസ്ത് ലൈറ്റ്സ് & സൗണ്ട്സിന്റെ ഉടമസ്ഥനായിരുന്ന ഷൌക്കത്തെന്ന ആലിക്കാക്കു പഴയ പൂവരസ്സിനു പകരം തന്റെ കടയുടെ മുറ്റത്ത് ഒരു ഉങ്ങുമരത്തൈ നട്ടു പിടിപ്പിച്ചു....
ആലിക്കാക്കു നനച്ചു വളര്ത്തിയ ആ കുഞ്ഞു തൈ വലിയൊരു തണല്മരമായി വളര്ന്നുപന്തലിച്ചു ..
പക്ഷെ, ആ ഉങ്ങുമരത്തിന്റെ ഗുണങ്ങള് കൂടുതല് ആസ്വദിക്കാന് ആലിക്കാക്കു കാത്തുനിന്നില്ല....അദ്ദേഹം ഓര്മ്മയായിട്ട് വര്ഷങ്ങള് കഴിഞ്ഞു....
സര്ക്കാരു കിണറും, പൂവരസ്സു മരവും മണ്ണടിഞ്ഞ് ഒരു വലിയ ഇടവേളക്കു ശേഷം ആലിക്കാക്കുവിന്റെ ഈ ഉങ്ങുമരവും, മരത്തിനു ചുറ്റും ചതുരാകൃതിയില് കോണ്ക്രീറ്റുകൊണ്ടു കെട്ടി മനോഹരമാക്കിയ ഉങ്ങുംതറയും ഗ്രാമത്തിന്റെ പുതിയ അടയാള ചിഹ്നമായി മാറി....
വസന്തകാലത്ത് സുഗന്ധപ്പൂക്കള് പൊഴിച്ച്....
ഉഷ്ണത്തിനു തണലിട്ട്....കൊടുംചൂടിലും കുളിരേകി......
ചുമടേറ്റി വരുന്നവര്ക്ക് അത്താണിയായി...
വഴിതെറ്റിയെത്തുന്നവര്ക്ക് വഴികാട്ടിയായി....
ഗ്രാമത്തിലെ മുതിര്ന്നവര്ക്ക് ഇരിപ്പിടമായി....
ഒരുപാടുപേര്ക്ക് കിടപ്പാടമായി......
അങ്ങനെയങ്ങനെ... .കാപ്പുകാര്ക്ക് ഒഴിച്ചുകൂടാന് പറ്റാതെ ജീവിതത്തിന്റെ ഭാഗമായി ഈ ഉങ്ങുമരവും ഉങ്ങുംതറയും....
കളിയും, സിനിമയും, രാഷ്ട്രീയവുമൊക്കെ ചര്ച്ചകള്ക്ക് വിധേയമാക്കുമ്പോള് നിശ്ശബ്ദത വഴിമാറും...പിന്നെ ഗോര ശബ്ദങ്ങളില് വാചകക്കസര്ത്തുകളുടെയും, ആക്രോഷങ്ങളുടെയും, വെല്ലുവിളികളുടെയും പോരാട്ട വേദിയായി മാറും ഈ ഉങ്ങുംതറ....
പഞ്ച ഗുസ്തിയും, വടം വലിയും, തീറ്റമത്സരവുമടങ്ങുന്ന കായിക മത്സരങ്ങളും....പാട്ടും, മിമിക്രിയും, മോണോ ആക്ടും ഉള്പ്പെടെയുള്ള കലാവിരുന്നുകളുമൊരുക്കി ഉങ്ങുംതറയുടെ പിറന്നാള് വാര്ഷികം ഒരു ഉത്സവം തന്നെയായി ആഘോഷിച്ചിരുന്നു മുമ്പ് .....
വീട്ടിലെ കിടക്കപ്പായയേക്കാള് എന്റെ കൗമാരം ഏറെ പുണര്ന്നത് ഈ ഉങ്ങുംതറയെ ആയിരുന്നു...
നിലാവുള്ള രാത്രികളില് ഉങ്ങുമരച്ചില്ലകള്ക്കിടയിലൂടെ ആകാശത്തിന്റെ അനന്തതയിലേക്ക് കണ്ണുകളയച്ച്... കാരണവന്മാര് പറഞ്ഞുതരുന്ന കഥകളിലേക്ക് കാതുകള് കൂര്പ്പിച്ച്...കൂട്ടുകാര് പാടുന്ന രാഗങ്ങള്ക്ക് താളംപിടിച്ച് .....ഉറക്കം പോലും കടന്നുവരാന് മടിക്കുന്ന സുന്ദരമായ രാവുകളുടെ അനുഭൂതികളില് അലിഞ്ഞലിഞ്ഞ്... ഉങ്ങുമരത്തിന്റെ മടിത്തട്ടില് തലവെച്ച് നീണ്ടുനിവര്ന്നങ്ങനെ കിടന്നത് എണ്ണമറ്റ രാത്രികളാണ്.....
,